Premios: XXXII Premio Torrente Ballester de narrativa en lengua castellana 2020.

Teresa, a esposa perfecta do executivo dunha editorial, comezará unha relación con Pablo, un empregado de seguridade do edificio no que traballan os tres, oito anos máis novo ca ela. Esta relación de dependencia enfermiza, que empeza como un xogo inocente, fará que ela rache con todas as súas regras morais, e remate por se converter nunha muller distinta, aloucada e perigosa. Os feitos que se mantiveron en segredo algún tempo, vanse converter nun atestado sobre a mesa de Pereira, o inspector xefe do grupo de homicidios a piques de xubilarse. Pereira, abafado polo suicidio do seu único fillo, un rapaz atormentado pola súa homosexualidade, tentará encher os días da súa vida baleira despois da xubilación, pescudando pola súa conta a verdade do acontecido, alén da responsabilidade penal dos feitos. Todos eles, Teresa, Pablo, Pereira, a esposa de Pablo, o mozo Pereira e o seu amante, estarán a debuxar unha rede conectada entre eles, sen que sexan capaces de intuir ata que punto as súas vidas han converxer. A estraña relación de Teresa e Pablo non será máis que unha escusa para manifestar os medos e as pantasmas que todos eles agochan. Para enfontar quen son en realidade.

1º-2º BAC